虽然Xbox One一直以嚟走势一般,但我相信唔少Xbox 360玩家都希望佢争气。Xbox喺今年E3发布会终于交足功课,除咗有轻巧4K新主机Xbox One S,仲讲明代号Project Scorpio新机种开发中,预计下年推出。
最强主打《Gear of War 4》
Xbox发布会出现多只微软独佔游戏,打头阵嘅就有《Gear of War 4》。喺众多游戏中,佢称得上人气最高、最令人期待嘅作品。发布会期间播一大段gameplay,除咗比前作更仔细,多咗武器外,环境物理效果亦进步唔少。虽然玩法都係射击类,但整体变化几明显,令玩家期待再次锯人。另外,同场仲公布特别推出嘅Gear of War版Elite手掣,红色外壳带有战损效果,加上十字掣专用图示,但咁靓真係捨得用?
◆ 打头阵嘅係《GOW4》
◆ 人物真就梗架啦!
◆ 多咗好多环境武器。
◆ 仲有双手武器。
◆ 畀雷劈都係梗架啦!
◆ 第一只特别版Elite手掣。
史上最真车Game《Forza Horizon 3》
另一只重头独佔游戏係《Forza Horizon 3》,记得上集特别增强咗「水」嘅光影效果,无论晴天雨天,只要係有水嘅地方,游戏均能够重现真实视觉效果。最新呢集除咗卖水,更大幅改善沙石、森林树影等光影效果,单论视觉享受目前确係超班。
◆ 沙尘效果正!
◆ 路面效果正!
◆ 树影效果正!
◆ 水倒影效果正!
◆ 草地真正呢!
◆ 9月出街。
丧打唔停手《Dead Rising 4》
笔者至爱《Dead Rising 4》都喺场内正式公开,故事时间设定喺圣诞节期间,可用「武器」大增,同时扩大故事地图。游戏主角由第一集主角Frank担任,究竟点解会换人呢?今个圣诞会揭晓。
睇落打得好爽《铁拳7》
《铁拳》一向係款有型嘅格斗游戏,《铁拳7》仲有埋《街拳》入面嘅豪鬼。如果咁啱对战两边都拣佢,真係有机会搞错,以为自己打紧街霸。游戏冇咁快出街,但Xbox会场摊位已经有非常完整嘅版本试玩。
◆ 唔讲可能以为打街霸。
◆ 其实係《铁拳7》。
有埋VR同跨平台《Minecraft》
今次发布会中嘅新《Minecraft》不但支援Xbox One、Win10、iOS同Android,竟然仲可以用埋Samsung Gear VR玩,等玩家更容易投入到自己一手建设嘅空间。另一个重点係《Minecraft》容许跨平台游玩,大家用唔同主机都可以连线一齐玩,实现唔少朋友多年嚟嘅梦想。
◆ 现场有人示範用Gear VR玩。
◆ VR世界嘅游戏画面。
◆ 跨平台玩最开心。
加强版Xbox Live
今年微软着意加强Xbox Live功能,例如畀玩家拣用咩语言搜寻Xbox Live上其他会员,搵到无语言障碍嘅朋友一齐打,合作过关自然更容易。另外,头先介绍《Minecraft》时提到,嚟紧不论係Win 10、Xbox One、iOS定Android,只要係同一只游戏,所有平台用家都可以透过Xbox Live连线。当然大部份游戏可能只会得Win 10同Xbox One版,毕竟硬件要求、操作各不相同。玩家仲可以建立「俱乐部」,方便同喜好相近嘅会员互相沟通,分享游戏心得。
◆ 用语言分区。
◆ 跨平台连线。
◆ 自己开个主题俱乐部。
Xbox新发布游戏其实唔止得咁少,有兴趣睇埋下面一系列预告片,大部份游戏会喺今年秋、冬季推出,全新Xbox One S就会喺8月推出。
《Sea of thieves》一只同朋友一齐做海盗嘅游戏:
坐龙打龙嘅《Scalebound》:
《FF XV》唔使点介绍啦:
《Battlefield 1》E3现场有得试玩:
好得意嘅游戏《[email protected]》: